اقوي مقارنه بين وحوش الفئه المتوسطه شاومي نوت8 ريلمي5

اقوي مقارنه بين وحوش الفئه المتوسطهشاومي نوت8وريلمي5

أولأ شاومي نوت 8

***********

اولا:التصميم

موبايل شاومي بيجي بتصميم بيدي احساس بالفخامة مع ظهر من الزجاج القوي المحمي بطبقة حماية من نوع كورنينج جوريلا جلاس الجيل ال5 واطار بلاستيكي قوي مع خطوط شكلها كويس جدا في الظهر بتنعكس مع انعكاس لضوء عليها التصميم دا هيديك احساس انك ماسك موبايل غالي شويتين لكن لية جانب سئ الا وهو انة معرض للكسر بسهولة ومتتغرش اوووي بموضوع ان الضهر محمي بطبقة حماية وكدا فلازم جراب قوي يحد من احتمالية كسرة ويحمية ومن الاشياء اللي لازم نتكلم عليها هيا بروز الكاميرا بشكل ودا بيعرضها للخدش والكسر بسهولة والغريبة هنا ان حتي الجراب اللي جاي في العلبة مش بيعالج المشكلة دي كليا فهتطر انك تشتري جراب اسمك عشان يعالج المشكلة دي من قدام الحواف من فوق قليلة جدا يدوب النوتش وكمان وجود لمبة اشعارات دا شي مميز جدا الحافة السفلية صغيرة بس كان ممكن تكون اصغر من كدا بس مقبولة في فئة سعر التلفون الاقتصادية

ثانيا ريلمي 5*************

ريلمي 5 بيجي مع تصميم بلاستيكي بالكامل قطعة واحدة ولكن من الخلف كدا مضلع وبيدي اشكال شكلها حلو اوووي مع انعكاس الضوء عليها وشكلة روش وشبابي اووي هتححي تشوف شكلة بصوا خلينا متفقين ان ملمسة في الايد مش حلو ولا قيم خالص وانة بلاستيك لكن هيكون في ميزة في الموضوع ان فرصة كسرة مش كبيرة زي الزجاج اللي من السهل كسرة كمان التصميم البلاستيكي ممكن يتداري بجراب ومرفق في العلبة وبرضو في بروز في الكاميرا لكن الجراب بيداري البروز دا بالكامل من قدام قدام الحواف من فوق قليلة جدا يدوب النوتش الحافة السفلية صغيرة بس كان ممكن تكون اصغر من كدا بس مقبولة في فئة سعر التلفون الاقتصادية

موضوع التصميم موضوع. ذوقي اولا واخرا

ثانيا:الشاشة

أولا شاومي نوت 8********

الموبايل بيجي مع شاشة بحجم 6.3 بوصة ومن نوع اي بي اس ل سي دي وبدقة فل اتش دي ومحمية بطبقة حماية بطبقة كورنينج جوريلا جلاس الجيل الخامس كثافة البيكسلات في الشاشة دي 409 بيكسل لكل بوصة ودة رقم كويس جدا كمان سطوع الشاشة قوي والوانها مشبعة وفي المجمل هيا شاشة حادة وتفاصيلها ممتازة في فئتها وشايف ان شاومي وفقت في اختيار الشاشة دي

ثانيا ريلمي 5************

الموبايل بيجي بشاشة 6.53 بوصة حجمها كبير جدا الا ان ريلمي مكملتش جميلها وكالعادة بوظت الدنيا بشاشة من نوع ال سي دي وبدقة اتش دي بس اتش دي علي حجم 6.5 بوصة رقم قليل جدا وينعكس علي ان الشاشة فقيرة التفاصيل للناس المهتمة بمشاهدة لمحتوي او الجيمنج الشاشة يدوب 269 بيكسل ودا رقم قليل جدا علي حجم دا عامة اللي مش هيركز اووي مش هيلاحظ مشكلة تشبع الالوان في الشاشة ممتاز السطوع في الشاشة كمان مميز جدا وزوايا الروية كويسة وانتا صعب جدا تلاحظ موضوع البيكسل دا بعينك بسهولة الشاشة في المجمل كويسة جدا

ثالثا:الأداء

أولا شاومي نوت 8********

شاومي نوت 8 بيجي مع معالج من نوع كوالكم سناب دراجون 665 ثماني الانوية وهو معالج اقتصادي في فئة معالجات كوالكم واداءة متوسط متتوقعش منة العمل العظيم اوووي كتصفح برامج وضغط علية شغال تمام جدا اما هو نقطة ضعفة في الالعاب والجيمنج بيكون ضعيف شوية او نقدر نقول متوسط لان كارت الرسوم الملحق بية متوسط القوة فمتتوقعش منة شي استثناءي يعني لعبة زي ببجي هيشغلها عل المديم كويس اووي مش هتشتغل عل اتش دي ولا اتش دي ار بالتبعية

ثانيا ريلمي 5**********

نفس اللي قولناة مع النوت 8 هنقولة هنا ريلمي 5 8 بيجي مع معالج من نوع كوالكم سناب دراجون 665 ثماني الانوية وهو معالج اقتصادي في فئة معالجات كوالكم واداءة متوسط متتوقعش منة العمل العظيم اوووي كتصفح برامج وضغط علية شغال تمام جدا اما هو نقطة ضعفة في الالعاب والجيمنج بيكون ضعيف شوية او نقدر نقول متوسط لان كارت الرسوم الملحق بية متوسط القوة فمتتوقعش منة شي استثناءي يعني لعبة زي ببجي هيشغلها عل المديم كويس اووي مش هتشتغل عل اتش دي ولا اتش دي ار بالتبعية

رابعا:الواجهة

أولا شاومي نوت 8

*********
شاومي نوت 8 بيجي مع واجهة مي يو اي 10 من شاومي ودي في رايي الشخصي من افضل الواجهات المعدلة في اي موبايل اندرويد لانها غنية بالاضافات الكتيرة اووي وكمان واجهة سلسة والاخطاء فيها قليلة جدا وفي الاول والاخر انا بنقل تجربتي مع الواجهة والموضوع راحة نفسيا يعني وارد انك تختلف معايا ومتحبهاش

ثانيا ريلمي5*********

ريلمي 5 بيجي مع واجه كلور او اس من اوبو واللي بتيجي غنية باضافات كتير وواجهة سلسة الا انها من وجهة نظري واجهة مملة جدا وفقيرة للمتعة يعني مفيهاش متجر ثيمات محترم مثلا تعرف من خلالة تعدل من شكل الواجهة او شريط الاشعارات كمان انميشن فتح وغلق التطبيقات شكلها تقليدي وزي مقولت الموضوع لية علاقة براحتك النفسية

خامسا:الكاميرات

أولا شاومي نوت 8*********

الموبايل بيجي مع 4 كاميرات الاساسية بدقة 48 ميجا مع فتحة عدسة 1.9 ومستشعر من سوني و عدسة زاوية عريضة 8 ميجا بيكسل مع فتحة عدسة 2.4 و عدسة بدقة 2 ميجا لعمل صور العزل وعدسة 2 ميجا مايكرو لتصوير صور المايكرو دايما بقول الارقام مش كل حاجة الكاميرا هنا ال48 اداءها محترم جدا في النهار والضوء القوي والوانها حادة متفرقش كتير عن اللي في ريلمي 5 الا يمكن هيا شارب وحادة اكتر وتفاصيل فيها اكتر بس بشكل مش ملحوظ بالليل بقا الكلام يتغير اداء الكاميرا في الضوء الضعيق سي مع الاسف الموضوع لية علاقة مع فتحة العدسة ال1.9 اللي بتدخل ضوء اقل وبتبين الفرق الواضح لصالح الريلمي 5 بس مع استخدام الوضع الليلي الدنيا بتتحسن

ثانيا ريلمي 5********

ريلمي 5 بيجي مع كاميرا رباعية الاساسية بتجي بدقة 12 ميجا بيكسل مع فتحة عدسة 1.8 وعدسة من سامسونج و كاميرا زاوية عريضة 8 ميجا بيكسل مع فتحة عدسة 2.2 و كاميرا 2 ميجا بيكسل لصور العزل و كاميرا 2 لصور المايكرو اداء الكاميرا في النهار محترم جدا الصور ناعمة كدا ومع استخدام الكروما بوست الصور الوانها جميلة ومشبعة وفي تفاصيل كفاية في الصور في التصوير الليلي الموبايل بيطلع صور محترمة جدا وخاصة مع استخدام الوضع الليلي الكاميرا الزاوية العريضة كويسة جدا ومميزة وهتحب تستخدمها

سادسا:البطارية

أولا شاومي نوت 8**********

شاومي نوت 8 بيجي مع بطارية بحجم 4000 ملي امبير مع دعم للشحن السريع لكن مع الاسف الشاحن مش مرفق في العلبة كمان الهاتف جاي مع يو اس بي تايب سي البطارية بتدي استخدام حوالي من 7 ل 8 ساعات استخدام متواصل دا بيرجع للمعالج الموفر للطاقة مع تقنيات تصنيع موفرة للطاقة 11 نانو متر

ثانيا ريلمي 5*********

بيجي مع بطارية بحجم 5000 ملي امبير وهو رقم عملاق ودة بيترجم لاداء اكتر من 11 ل 12 ساعة استخدام متواصل ودة بفضل الشاشة ال اتش دي و المعالج الموفر للطاقة الموبايل مش بيدعم الشحن السريع وجاي مع منفذ شحن قديم نسبيا مايكرو يو اس بي

خواص اضافية

أولا شاومي نوت 8********

الموبايل بيجي مع مقاومة لرزاز الماء والشركة اعلت عنة رسميا

ثانيا ريلمي 5*********

بيجي مع مستشعر اي ار للتحكم في الاجهزة المنزلية / بيجي مع دعم للشحن السريع / مايك اضافي للعزل

الخلاصه........................

لو انت بتحب الالعاب وعاوز موبايل تصميمة روش وتلعب بية اليوم كلة ميفصلش شحن و بتحب تتصور كتير الصبح وبالليل والموبايل ممكن يقع منك كتير يبقي برشحلك الريلمي 5
لو انت حد محافظ وعاوز تصميم شيك جدا وفخم وبتركز في جودة محتوي الشاشة وكدا ارشحلك النوت 8

الوسوم: مقارنات